26 نومبر احتجاج : پی ٹی آئی کے 86 کارکنوں کی ضمانت کی درخواستیں مسترد

اسلام آبادکی انسداد دہشت گردی کی خصوصی عدالت (اے ٹی سی) نےپاکستان تحریک انصاف (پی ٹی آئی) کے 26 نومبر کے احتجاج پر پی ٹی آئی کے 86 ورکرز کی ضمانت کی درخواستیں مسترد کردیں۔

وفاقی دارالحکومت اسلام آباد میں قائم انسداد دہشت گردی کی خصوصی عدالت کےجج ابوالحسنات محمد ذوالقرنین نےپی ٹی آئی کے 86 ورکرز کی ضمانت کی درخواستوں پر محفوظ کیا گیا فیصلہ سنایا۔

اے ٹی سی نےسماعت کے بعد ناجائزاسلحہ کیس میں 6 ملزمان کی ضمانت کی درخواستیں منظور کرلیں،اور ملزمان کو 5 ہزار روپے کےمچلکے جمع کروانے کی ہدایت کردی۔ 

عدالت کے جج نےوکلائے طرفین کےدلائل سننےکےبعد اپنا فیصلہ سناتےہوئے 86 ملزمان کی ضمانت کی درخواستیں مستردکر دیں۔

عدالت کی جانب سےفریقین کےدلائل مکمل ہونے پرفیصلہ محفوظ کیا گیا تھا۔

واضح رہے کہ پی ٹی آئی کےکارکنوں کے خلاف 26 نومبر 2024 کو اسلام آباد میں پرتشدد احتجاج کے بعد تھانہ ترنول اور کوہسار میں مقدمات درج کیے گئےتھے۔