پاکستان کا معاشی آؤٹ لک منفی سے مستحکم ہو رہا ہے ، فچ رپورٹ

عالمی کریڈٹ ریٹنگ ایجنسی فچ نے پاکستان کا معاشی آؤٹ لک منفی سے مستحکم قرار دےدیا۔

عالمی کریڈٹ ریٹنگ ایجنسی فچ کے اعلامیے کے مطابق پاکستان کی کریڈٹ ریٹنگ بہتر ہو چکی ہے اور ملک کا آئی ایم ایف پروگرام پر عملدرآمد بھی بہتر ہوا۔ اعلامیے میں کہاگیا ہے کہ پاکستان کی فنانسنگ تک رسائی میں بھی آسانی ہوئی۔

رپورٹ میں توقع ظاہر کی گئی ہے کہ جون تک پاکستان کا مجموعی بجٹ خسارہ کم ہوکر 6 فیصد کم ہو جائے گا۔
فچ نے پاکستان کی طویل مدتی غیرملکی قرضہ جاتی ریٹنگ میں بہتری کرت ہوئے اس کو ٹرپل سی پلس سے بڑھا کر بی مائنس کر دیا۔

اعلامیے کےمطابق پاکستان کی کرنسی کی ریٹنگ بھی بی مائنس کر دی گئی۔