نوشہرہ میں نامعلوم افراد کی فائرنگ ،سینئر سول جج وکیل سمیت جاں بحق

نوشہرہ:صوبہ خیبر پختونخوا کے ضلع نوشہرہ میں نامعلوم افراد کی فائرنگ سے سینئر سول جج، وکیل سمیت جاں بحق ہو گئے ۔
تفصیلات کے مطابق نوشہرہ میں رشکئی انٹرچینج کے قریب نامعلوم افراد کی فائرنگ کے نتیجے میں سینئر سول جج ایڈمن مردان حیات سکنہ کالام اور وکیل خالد خان جاں بحق ہوگئے۔
 ذرائع کا کہنا ہے کہ حملہ آوروں نے گاڑی کو رشکئی انٹرچینج کے قریب گولیوں کا نشانہ بنایا، سول جج اور ان کا ساتھی کسی کام سے پشاور جارہے تھے۔
ذرائع نے مزید بتایا کہ مقتولین کی نعشیں مردان میڈیکل کمپلیکس منتقل کردی گئی ہیں۔
دوسری جانب واقعے کی رپورٹ تھانہ رسالپور میں درج کرلی گئی ہے۔