پاکستانی فضائی حدود کے بند ہونے سے بھارت کو بڑا دھچکا

پاکستانی فضائی حدود بند ہونے سے بھارت کو لینے کے دینے پڑ گئے، بھارتی ایئر لائنز کو شدید دھچکا لگ گیا۔

 بھارت سے یورپ اور امریکہ جانے والی پروازوں کے دورانیے میں اضافہ ہوگیا جبکہ پروازوں کے لیے زیادہ ایندھن، ٹکٹس بھی مہنگے کردیے گئے ہیں۔

 بھارت سے وسطی ایشیا، مغربی یورپ، مغربی ایشیا، برطانیہ اور امریکہ جانے والی پروازیں متاثر ہوگئیں جبکہ پاکستان سے گزر کر بھارت آنے اور جانے والی دیگر ایئر لائنز بدستور آپریٹ کرتی رہیں گی۔

 بھارتی ایئر لائنز پر پابندی سے دیگر ایئر لائنز کو فائدہ ہوگا، پالاکوٹ حملے کے بعد بھارت کی قومی ایئر لائنز ایئر انڈیا سب سے زیادہ متاثر ہوئی تھی۔

2019 میں بالاکوٹ حملے کے بعد پاکستانی فضائی حدود کی بندش سے بھارتی ایئر لائنز کو 700 ارب روپے کا نقصان ہوا تھا، تاہم پاکستانی فضائی حدود بند ہونے سے بھارتی ایئر لائنز کے لیے ایندھن کی لاگت اور اپریشنل پیچیدگیوں میں بھی اضافہ ہوگیا۔