سکیورٹی فورسز کا خیبر پختونخواہ میں آپریشن،15 خوارج ہلاک، 2 جوان شہید

خیبرپختونخوا کے مختلف اضلاع میں سیکیورٹی فورسز کی3 کارروائیوں کے دوران 15 خوارج ہلاک جبکہ 2فوجی جوان شہید ہو گئے۔
آئی ایس پی آر کے مطابق 25 اور 26 اپریل کی شب خیبرپختونخوا کے علاقے کرک، شمالی وزیرستان اور جنوبی وزیرستان میں کارروائیاں کی گئیں۔خوارج کی موجودگی کی اطلاع پر کرک میں فورسز نے کارروائی کی جس کے دوران 8 خوارج دو طرفہ فائرنگ کے تبادلے میں ہلاک ہوگئے۔
ترجمان پاک فوج کے مطابق شمالی وزیرستان میں کارروائی کے دوران چار خوارج ہلاک ہوگئے جبکہ سیکیورٹی فورسز کے دو جوانوں لانس نائیک عثمان محمد اور سپاہی عمران خان 26 سال نے جام شہادت نوش کیا۔شہید لانس نائیک عثمان خیبرپختونخوا کے ضلع چار سدہ جبکہ سپاہی عمران خان ضلع کرم کے رہائشی تھے۔
جنوبی وزیرستان کے عام علاقے گومال زام میں کارروائی کے دوران تین خوارج کو ہلاک کیا گیا۔مطابق ہلاک خوارج کے قبضے سے اسلحہ، گولہ بارود اور بھاری تعداد میں ایمونیشن برآمد ہوا ہے جبکہ علاقے میں سینیٹائزیشن آپریشن جاری ہے۔
ترجمان پاک فوج کے مطابق مارے جانے والے خوارج دہشت گردی وارداتوں میں ملوث تھے۔