سرکاری ملازمین کی تنخواہوں اور پنشن میں اضافے کا نوٹیفکیشن جاری

تفصیلات کے مطابق  وزارت خزانہ نے ملازمین کی پنشن میں دس فیصد اضافے کا نوٹیفکیشن جاری کردیاہے۔

وزارت خزانہ کے مطابق  گریڈ 20 تا   22  کے ملازمین کو 25 فیصد ڈسپیرٹی الاونس کا نوٹیفکیشن بھی جاری  کردیا گیا ہے۔سول و آرمڈ فورس کے ملازمین کو یکم جولائی سے دس فیصد اضافہ کے ساتھ پنشن ملے گی۔

وزارت خزانہ حکام کے مطابق عیدالاضحیٰ کے باعث ملازمین کو جولائی کی ایڈوانس تنخواہ اور پنشن بھی بجٹ میں اعلان کردہ دس فیصد اضافے کے ساتھ ملے گی۔

یاد رہے کہ 11 جون 2021 کو وفاقی کابینہ کے خصوصی اجلاس میں سرکاری ملازمین کی تنخواہوں اور پنشن میں 10 فیصد اضافے کی منظوری دی گئی تھی۔ وزیراعظم عمران خان کی زیر صدارت بجٹ سےمتعلق کابینہ کاخصوصی اجلاس ہوا، جس میں بجٹ پیپرز اور فنانس بل 2021 پیش کیا گیا تھا۔

وفاقی کابینہ نے فنانس بل2021 کی اہم ترمیم کیساتھ منظوری اور سرکاری ملازمین کی تنخواہوں،پنشن میں 10فیصداضافے کی منظوری  دی تھی۔