لنکا پریمئیر لیگ ملتوی کر دی گئی

غیر ملکی خبر رساں ادارے کے مطابق  لنکا پریمئیر لیگ ملتوی کر دی گئی ہے ، سری لنکا کرکٹ جلد باضابطہ اعلان کرے گا ، لنکا پریمئیر لیگ 30 جولائی سے 22 اگست تک منعقد ہونا تھی ۔

لنکا پریمئیر لیگ کے اب نومبر دسمبر میں ہونے کا امکان ہے ، غیر ملکی کھلاڑیوں کی عدم دستیابی کے باعث لیگ ملتوی کی گئی ہے۔منتظمین کو غیر ملکی کھلاڑیوں کی عدم دستیابی کے علاوہ بھی کئی ایشوز کا سامنا تھا۔

سری لنکا کے کرکٹ بورڈ کے ایک آفیشل کا کہنا ہے کہ  “یہ بدقسمتی ہے کہ ٹورنامنٹ ملتوی کرنا پڑے گا۔ بنگلہ دیش ، ویسٹ انڈیز ، پاکستان یا انگلینڈ کے کھلاڑی ہوں  ان میں سے کوئی بھی اس مرحلے پر دستیاب نہیں ہے۔ ابھی لیگ کے لئے نئی تاریخوں کا فیصلہ نہیں کیا گیا ہے ، آئندہ چند ہفتوں میں ایس ایل سی فزیبلٹی کی جانچ کرے گی۔"