ویکسینیشن سرٹیفکیٹ کے بغیر ہوائی سفر کرنے پر پابندی عائد

تفصیلات کے مطابق  نیشنل کمانڈ اینڈ آپریشن سینٹر (این سی او سی ) نے کہا ہے کہ  تجاویز پر عمل درآمد کا فیصلہ کورونا کے پھیلاؤ کو مدنظر رکھ کر آئندہ چند دن میں کیا جائے گا ۔

 این سی او سی کے مطابق  یکم اگست سے ویکسینیشن سرٹیفکیٹ کے بغیر ہوائی سفر کرنے پر پابندی عائد کردی گئی ہے۔تمام پرائیویٹ سیکٹر ملازمین ، بشمول  کارپوریٹ سیکٹر  ، چھوٹی درمیانی اور بڑی انڈسٹری کے ملازمین کو ویکسین 31 جولائی سے پہلے لازمی لگوائی جائے ۔

مزید پڑھیں : عوامی شکایات کے حل کیلئے وزیر اعظم کا ایک اور تاریخی اقدام

این سی او سی نے ہدایت کہ ہے کہ  زراعت، میڈیا ، وکلاء فیکٹری مزدور ، ٹرانسپورٹ سیکٹر سے منسلک افراد اور ہوٹل ورکز کو بھی 31 جولائی سے پہلے لازمی ویکسین لگوائی جائے، ریڑھی بان ، جمنیزیم ملازمین،  مساجد کے خدام اور آئمہ  ، شادی ہال ، ورکشاپس پر کام کرنے والے افراد 31 جولائی سے قبل ویکسین لگوا لیں ۔

 این سی او سی کے اعلامیے میں کہا گیا ہے کہ  18 سال سے زائد عمر کے طلباء اور طالبات کے لیے 31 اگست تک ویکسین لگوانا لازمی قراردیدی ہے،تمام سیاحتی مقامات پر جانے والے 30 سال یا اس سے زائد عمر کے افراد بغیر ویکسینیشن سرٹیفیکٹ  کے سفر اور ہوٹل بکنگ نہیں کروا سکیں گے، یکم اگست سے اس پابندی کا اطلاق 18 سے 30 سال تک کے افراد پر بھی ہو گا ،اس ضمن میں تمام متعلقہ اداروں کو ہدایات جاری کر دی گئی ہیں۔