سوئیڈن میں طیارہ گر کر تباہ ، 9 افراد ہلاک

غیر ملکی خبر رساں ادارے کے مطابق   طیارے ’’ڈی ایچ سی-2 ٹربو بیئور‘‘  نے  8 اسکائی ڈائیورز کو لیکر پرواز بھری تھی کہ طیارے میں آگ بھڑک اُٹھی۔ آتشزدگی کے بعد طیارہ  میدانی علاقے میں گر کر تباہ ہوگیا۔ تباہ شدہ طیارے کے ملبے سے پائلٹ اور 8 اسکائی ڈائیورز کی لاشیں نکال لی گئیں ہیں ۔

مزید پڑھیں : ویکسینیشن سرٹیفکیٹ کے بغیر ہوائی سفر کرنے پر پابندی عائد

تاحال حادثے کی وجہ کا تعین نہیں ہوسکا لیکن فیڈرل ایوی ایشن نے حادثے کی تحقیقات کیلئے ایک انکوائری کمیٹی تشکیل دیدی ہے۔

خیال رہے کہ  سویڈن میں اسی قسم کے حادثے میں 2019 میں بھی 9 افراد ہلاک ہوگئے تھے جن میں 8 اسکائی ڈائیورز شامل تھے اور حادثے کی وجہ طیارے میں مقررہ حد سے زیادہ وزنی سامان رکھنا تھی۔