سوات : دو گروپو ں میں فائرنگ ، 3افراد جاں بحق

تفصیلات کے مطابق  ضلع سوات کے علاقے کالام اور اوتروڑکے قبائل کے درمیان  سرحدی علاقےمیں آلو کے فصل پر لڑائی  شدت اختیار کرگئی ۔ دونوں فریقین کے مابین  فائرنگ  کے نتیجے میں 3افراد دم توڑ گئے جبکہ15 زخمی ہوئے ہیں ۔ واقعے کی اطلاع ملتے ہی ریسکیو ،  پولیس اور ایف سی کی بھاری نفری علاقے میں پہنچ گئی ۔ دونوں فریقین کے درمیان  فائرنگ کا سلسلہ جاری ہے جس کی وجہ سے پولیس کو مشکل کاسامنا ہے ،   لاشوں کو ہسپتال منتقل کردیا گیا ہے ۔

کالام کے بہت سے لوگ اتروڑ کے سیاحتی علاقوں میں اور اتروڑ کے افراد کالام کے علاقوں میں پھنسے ہیں، انتظامیہ ان کی بحفاظت واپسی یقینی بنانے کی کوشش کررہی ہے۔

وادی کالام سوات میں کالام اور اتروڑ اقوام کے مابین کنئی دیسان بانڈہ کی اراضی پر طویل عرصے سے تنازع جاری ہے۔