عیدالاضحی پرکتنی چھٹیاں ہونگی؟ حکومت کا بڑا اعلان

تفصیلات کے مطابق  وفاقی کابینہ کے اجلاس کے بعد  وزیر اطلاعات فواد چوہدری نے میڈیا سے گفتگو کرتے ہوئے کہا کہ این سی اوسی نے عید پر 5 دن کی چھٹیاں دینے کی سفارش کی تھی لیکن وفاقی کابینہ نے صرف 3دن کی چھٹیاں منظورکی ہیں۔ 21،20 اور 22جولائی کو عید کی تعطیلات ہوں گی۔

گزشتہ روز وزارت داخلہ نے عید الاضحیٰ پر تین چھٹیوں کی سمری وزیراعظم عمران خان کو ارسال کی گئی تھی۔

چند روز قبل ذوالحجہ کا چاند دیکھنے کے مرکزی رویت ہلال کمیٹی  کا اجلاس چئیرمین مولانا عبدالخبیر آزاد کی زیر صدارت کراچی میں ہوا  تھا۔ اجلاس کے بعد  اعلان کیا گیا تھا کہ  چاند نظر نہیں آیا  اور عید الاضحی 21 جولائی بروز بدھ ہوگی ۔