ڈائیلاگ بولتے ہوئے گھبراہٹ کا شکار ہوجاتی تھی : آمنہ الیاس

تفصیلات کے مطابق نجی خبر رساں ادارے کو انٹر ویو دیتے ہوئے اداکارہ و ماڈل آمنہ الیاس کا کہنا ہے کہ جب میں نے اپنا کیریئر شروع کیا تو تب مجھے ڈائیلاگز تک بولنے نہیں آتے تھے، شروع میں ڈائیلاگ بولتے ہوئے گھبراہٹ کا شکار ہوجاتی تھی ۔

اداکارہ کا کہنا تھا کہ مجھے سمجھ نہیں آتی تھی کہ کہاں سے شروع کرو اور کہاں ختم کرو بعض دفعہ اسکرپٹ یاد کرکے بولتی تھی تو اس کے باوجود بھول جاتی تھی اور مجھے کافی مشکلات کا سامنا کرنا پڑا ہے ۔ لیکن کافی لوگوں نے حوصلہ افزائی کی اور میں نے محنت کی جس کی وجہ سے آج کامیاب ہوئی ہوں ۔

آمنہ الیاس کا مزید کہنا تھا کہ آج جس مقام پر ہوں ، وہ خوشی کا باعث ہے ، انڈسٹری میں بہت زیادہ دھکے تو نہیں کھائے لیکن محنت بہت زیادہ کی ہے ۔

یاد رہے کہ اداکارہ نے اپنے کیرئیر کا آغاز 2013 میں فلم زندہ بھاگ سے اداکاری کا آغاز کیا تھا ۔