حکومت کا ملک بھر میں تمام یوٹیلیٹی اسٹورز مکمل طور پر بندکرنے کا فیصلہ ،نوٹیفکیشن جاری

اسلام آباد: وفاقی حکومت کی ہدایت پر ملک بھر میں یوٹیلیٹی سٹورز کارپوریشن کا آپریشن مکمل طور پر بند کر دیا گیاہے۔

تفصیلات کے مطابق اوزارت صنعت و پیداوار نے یوٹیلیٹی سٹورز کی مکمل بندش کے حوالے سے نوٹیفکیشن جاری کردیا۔وزیراعظم اور بورڈ آف ڈائریکٹرز نے یوٹیلیٹی سٹورز بند کرنے کی منظوری دی۔

جاری کر دہ نوٹیفکیشن کے مطابق صرف وہ سٹورز کھلے رہیں گے جہاں سے سامان گوداموں میں منتقل کیا جائے گا۔

 یوٹیلیٹی سٹورز کے بورڈ آف ڈائریکٹرز نے بھی آپریشن بند کرنے کے احکامات کی توثیق کرتے ہوئے ادارے کی تمام سرگرمیاں معطل کر دی ہیں۔

خیال رہے کہ ملک بھر کے سٹورز پر اشیا کی خرید و فروخت کا عمل آج سے مکمل طور پر ختم کر دیا گیا ہے اور ادارے کے تمام سٹورز سے اشیائے خورونوش اور دیگر سامان ویئر ہاؤسز منتقل کر دیا گیا ہے۔

 یوٹیلیٹی سٹورز کارپوریشن کا ای آر پی سسٹم بھی آج سے مکمل طور پر بند کر دیا گیا ہے۔ 

جبکہ اس سے قبل وزارتِ خزانہ نے 31 جولائی تک یوٹیلیٹی سٹورز کی تمام سرگرمیاں بند کرنے کی ہدایت کی تھی۔