پاکستان، افغانستان اور یو اے ای کے درمیان ٹرائی نیشن سیریز کب کھیلی جائے گی ؟ شیڈول سامنے آ گیا

کراچی: ایشیا کب سے قبل پاکستان، افغانستان اور یو اے ای کے درمیان ہونے والی سہ ملکی( ٹرائی نیشن) سیریز کا شیڈول تیار کرلیا گیا۔

ذرائع کا کہنا ہے کہ مجوزہ شیڈول کے مطابق سہ ملکی سیریز کا پہلا میچ پاکستان اور افغانستان کے درمیان 29 اگست جب کہ دوسرا میچ یو اے ای اور پاکستان کے درمیان 30 اگست کو کھیلے جانے کا امکان ہے۔

شیڈول کے مطابق سہ ملکی سیریز میں کل 7 میچز کھیلے جائیں گے جب کہ فائنل 7 ستمبر کو ہونے کا امکان ہے۔

ٹرائی نیشن سیریز کھیل کر قومی اسکواڈ یو اے ای میں ہی قیام کرے گا۔قومی اسکواڈ ٹرائی نیشن سیریز کے بعد ایشیا کپ کیلئےیو اے ای رکے گا۔

سلیکشن کمیٹی ٹرائی نیشن سیریز اور ایشیا کپ کے اسکواڈ کا اعلان ایک ساتھ ہی کرے گی۔ٹرائی نیشن سیریز کے تمام میچز شارجہ میں ہونے کا امکان ہے۔