افغانستان کے عبوری وزیر خارجہ امیر خان متقی کا دورۂ پاکستان ملتوی

افغانستان کے عبوری وزیر خارجہ امیر خان متقی کا دورۂ پاکستان ملتوی کر دیا گیا ہے۔

افغان میڈیا کے مطابق امیر خان متقی کا یہ دورہ تکنیکی وجوہات کی بنا پر مؤخر کیا گیا ہے۔ ان کا دورہ کل (پیر) کے روز طے شدہ تھا۔

رپورٹس کے مطابق افغان وزیر خارجہ نے اسلام آباد میں پاکستان کے اعلیٰ سیاسی اور عسکری قیادت سے ملاقاتیں کرنا تھیں، جن میں دو طرفہ تعاون اور علاقائی سلامتی جیسے اہم امور پر بات چیت متوقع تھی۔