ایران میں جولائی کے دوران 96 قیدیوں کو سزائے موت، 5 افغان شہری بھی شامل

ایران میں جولائی کے مہینے کے دوران 96 قیدیوں کو سزائے موت دی گئی، جن میں 5 افغان شہری بھی شامل ہیں۔ انسانی حقوق کی ایک تنظیم نے اپنی رپورٹ میں بتایا ہے کہ ان سزاؤں پر عملدرآمد ملک کی مختلف جیلوں میں کیا گیا۔

رپورٹ کے مطابق افغان شہریوں کی شناخت ظاہر نہیں کی گئی، جبکہ ایرانی حکام کی جانب سے ان پر عائد الزامات کی تفصیلات بھی منظر عام پر نہیں آئیں۔

یہ پیش رفت ایسے وقت میں سامنے آئی ہے جب ایران میں مقیم افغان مہاجرین کو بڑی تعداد میں ملک بدر کیا جا رہا ہے۔ اندازوں کے مطابق رواں سال اب تک 13 لاکھ سے زائد افغان باشندوں کو ایران سے واپس افغانستان بھیجا جا چکا ہے۔