ژوب اور گردونواح میں 4.5 شدت کا زلزلہ، کسی جانی یا مالی نقصان کی اطلاع نہیں

بلوچستان کے شہر ژوب اور اس کے گردونواح میں زلزلے کے جھٹکے محسوس کیے گئے، جس کی شدت ریکٹر اسکیل پر 4.5 ریکارڈ کی گئی۔

ڈان نیوز کے مطابق، ہفتہ کے روز عصر کے وقت ژوب شہر اور اس کے آس پاس کے علاقوں میں زلزلے کے جھٹکے آئے، جس سے شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے۔

زلزلہ پیما مرکز کے مطابق، زلزلے کی شدت 4.5 ریکٹر اسکیل پر ریکارڈ کی گئی، اور اس کی گہرائی 150 کلومیٹر زیر زمین تھی۔

ژوب کی ضلعی انتظامیہ کی جانب سے جاری کیے گئے بیان میں بتایا گیا کہ زلزلے کے نتیجے میں کسی بھی جانی یا مالی نقصان کی اطلاع نہیں ملی۔