پاکستان میں عوامی طاقت نوازشریف کے پاس ہے :مریم نواز

تفصیلات کے مطابق سیالکوٹ میں جلسہ سے خطاب کرتے ہوئے مریم نواز کا کہنا تھا کہ نوجوانوں میں یہ الیکشن نہیں انقلاب کا جذبہ ہے،نوازشریف نے سیالکوٹ کے عوام کے لئے موٹروے بنائی،خواجہ آصف نے مشکلات کے باوجود نوازشریف کا ساتھ نہیں چھوڑا،طارق سبحانی چھوٹا بھائی، اسے دیکھ کر ہی ووٹ دینے کو دل کرتا ہے،،مجھےیقین ہےضمنی الیکشن میں جیت ن لیگ کی ہوگی،ووٹ کوعزت  کیسےدی جاتی ہےیہ ڈسکہ  والوں نےبتادیاہے،آزادکشمیرمیں بھی جگہ جگہ سیالکوٹ اورڈسکہ کویادکیا ۔

انہوں نے کہا ن لیگ کےجلسوں سےحکمران خوفزدہ ہیں،عمران خان کروڑوں روپے خرچ کرکےکشمیرگیا اورالٹےپاؤں واپس بھاگا،آپ کی کارکردگی کیاہےکہ کشمیرووٹ مانگنےجاتےہیں،تین سال حکومت میں رہنےکےباوجودکارکردگی بتانےکیلئےکچھ نہیں،عوام فیصلہ کریں ،نوازشریف دورمیں آٹاکتنےکاتھااورآج کتنےکاہے ،نواز شریف نے بجلی بحال کی تھی،موجودہ حکومت نے لوڈشیڈنگ بحال کردی ہے،نواز شریف دور میں 22 گھنٹے کی لوڈشیڈنگ زیروپر آگئی تھی ۔

مریم نواز کا کہنا تھا کہ سیلیکٹڈ نون کی نقل میں بھاگا بھاگا کشمیر گیاسیلیکٹڈ کروڑوں خرچ کرکے جلسہ نہ کرسکابلکہ جلسی کی ،تین سال کیا کارنامے کئے کہ کشمیر میں ووٹ مانگنے چلے گئےتین سال بعد بھی ایک دھیلے کی کارکردگی نہیں عمران خان کی تقریر کا شروع اورآخر نوازشریف ہوتاہے،عمران خان ،نوازشریف نوازشریف کھیلتا ہے،وہ آج بھی جلسے میں نواز شریف کی تسبیح کرتاہے ۔

مریم نواز کا مزید کہنا تھا کہ امپائر کو ساتھ ملا کر کھیلنے کی کوشش کی،آج جب آؤٹ ہوتا ہے تو مڑ کر دیکھتا کہ ایمپائر اسے بچالے گا،اب ایمپائر اسے نہیں بچائیں گے وہ سمجھتے ہیں یہ نالائق شاگرد ہے ،اس نے ان کی ناک کٹوادی ۔