آزاد کشمیر انتخابات :باغ میں پیپلز پارٹی اور پی ٹی آئی کارکنوں میں تصادم ، 10 زخمی

جی این این کے مطابق آزاد کشمیر انتخابات کیلئے پولنگ جاری  ہے ،  اس کے ساتھ ساتھ سیاسی جماعتوں کے کارکنان کی   کئی پولنگ اسٹییشنز پر فائرنگ اور تصادم کے واقعات سامنے آرہے ہیں ۔ ضلع باغ  میں بھی پیپلز پارٹی اور پی ٹی آئی کے ڈنڈوں، لاتوں، مکوں کا آزادانہ  استعمال کیا گیا جس  کے نتیجے میں 10 کارکنان زخمی ہوگئے ۔ ہوائی فائرنگ، پولیس اور انتظامیہ خاموش تماشائی بنی رہی، ڈی سی باغ اور دیگر انتطامیہ حکام دو گھنٹے تاخیر سے جائے حادثہ پر پہنچے۔

  ڈی سی باغ صحافیوں کے سوالات کے جوابات دینے کے بجائے غصے میں آ گئے اور صحافیوں کو دھکے اور مارنے کی دھمکیاں دینے لگے۔ ایس پی باغ مرزا زاہد فوری جائے وقوعہ پر پہنچے اور صحافیوں سے معاملات کو رفع دفع کرنے کی درخواست کرتے ہوئے کہاکہ  وہ ڈی سی باغ کے رویے کو نظر انداز کریں۔  ایس پی مرزا زاہد کی صحافیوں کو مکمل سیکیورٹی فراہم کرنے کی یقین دہانی کروائی ۔

اس سے قبل حلقہ ایل اے 12 چڑھوئی میں پولنگ اسٹیشن پر فائرنگ کا واقعہ پیش آیا جہاں پیپلز پارٹی اور تحریک انصاف کے کارکنان کے درمیان تصادم سےدوافراد  جاں بحق ہوئے ۔

واضح رہے کہ آزاد جموں کشمیر کی قانون ساز اسمبلی کے انتخابات کے سلسلے میں ووٹ ڈالنے کا عمل جاری ہے، پولنگ شام 5 بجے تک بغیر کسی وقفے کے جاری رہے گی۔32 لاکھ 20 ہزار سے زائد ووٹرز حق رائے دہی استعمال کریں گے۔ بارہ سو انتیس پولنگ  سٹیشنز  کو حساس قرار دیا گیا ہے۔ آزاد کشمیر  حکومت نے غیر متعلقہ افراد کے داخلے  پر پابندی عائد کرتے ہوئے24 سے 26 جولائی تک   دفعہ 144 نافذ کر دی  ہے۔