اسلام آبادسمیت ملک کے بیشتر علاقوں میں موسم خشک رہنے کا امکان 

اسلام آباد: محکمہ موسمیات نے وفاقی دارالحکومت اسلام آباد سمیت ملک کے دیگر علاقوں میں موسم خشک رہنے کی پیش گوئی کی ہے۔

محکمہ موسمیات کے مطابق آج ملک کے بیشتر علاقوں میں موسم خشک جبکہ پہاڑی علاقوں میں رات اور صبح کے اوقات میں سرد رہنے کا امکان ہے۔

محکمہ موسمیات کا کہنا ہے کہ بلوچستان کے بیشتر اضلاع میں موسم خشک اورسرد رہنے کی توقع ہے، مری، گلیات اور گرد و نواح میں موسم خشک رہے گا۔

اسی طرح سندھ کے بیشتر اضلاع میں موسم گرم اور خشک رہنے کا امکان ہے جبکہ خیبرپختونخواکے بیشتر اضلاع میں موسم سرد رہنے کی توقع ظاہرکی گئی ہے۔

دوسری جانب آزاد کشمیر اور گلگت بلتستان میں موسم خشک سرد رہنے کا امکان ہے۔

محکمہ موسمیات کے مطابق گزشتہ چوبیس گھنٹوں کے دوران ملک کے بیشتر علاقوں میں موسم خشک جبکہ پہاڑی علاقوں میں سردرہا۔