وزیر خارجہ اسحاق ڈار سے  برطانوی ہائی کمشنر جین میریٹ کی ملاقات،علاقائی و عالمی امور پر تبادلۂ خیال

اسلام آباد: وزیر خارجہ اسحاق ڈار سے برطانیہ کی ہائی کمشنر جین میریٹ نے ملاقات کی جس میں علاقائی و عالمی امور پر تبادلہ خیال کیا گیا۔

ترجمان دفترِ خارجہ کے مطابق ملاقات میں پاکستان اور برطانیہ کے درمیان دوطرفہ تعلقات کے فروغ اور حالیہ اعلیٰ سطحی روابط پر اطمینان کا اظہار کیا گیا۔  

ترجمان کے مطابق ملاقات میں  وزیرِ خارجہ اسحاق ڈار نے پاکستان برطانیہ تعلقات میں مسلسل بہتری کو سراہتے ہوئے کہا کہ دونوں ممالک کے درمیان تعاون کے نئے مواقع موجود ہیں۔

دونوں رہنماؤں نے خطے اور عالمی سطح پر جاری سیاسی و معاشی حالات پر بھی تبادلہ خیال کیا۔