لوئردیر: سوزوکی پک اَپ گاڑی گہری کھائی میں جا گری،3 افراد جاں بحق

لوئر دیر: صوبہ خیبرپختونخوا کے علاقے لوئر دیر میں سوزوکی پک اَپ کے گہری کھائی میں گرنے سے 3 افراد جاں بحق ہوگئے۔

ریسکیو حکام کے مطابق بلو رباط درہ میں سوزوکی پک اَپ ڈرائیور سے بے قابو ہو کر گہری کھائی میں جا گری تھی۔

ریسکیوحکام کے مطابق حادثہ میں 3 افراد جاں بحق جاں بحق ہوئے، لاشوں کو اسپتال منتقل کر دیا گیا۔

حکام کا مزید کہنا ہے کہ حادثے کی ابتدائی وجہ معلوم نہیں ہو سکی تاہم واقعے کی مزید تحقیقات جاری ہیں۔