سعودی وزیرخارجہ آج پاکستان کا دورہ کر رہے ہیں

تفصیلات کے مطابق سعودی حکومت کے اعلیٰ عہدیداروں پر مشتمل ایک وفد بھی ان کے ہمراہ ہو گا۔دورے کے دوران دونوں وزرائے خارجہ دوطرفہ تعلقات اور علاقائی اور بین الاقوامی امور پر تبادلہ خیال کریں گے۔سعودی وزیر خارجہ اپنے دورے میں دیگر شخصیات سے بھی ملاقاتیں کریں گے۔دفتر خارجہ کے ترجمان زاہد حفیظ چوہدری نے ایک بیان میں کہا کہ سعودی وزیر خارجہ کے دورے سے نہ صرف اعلیٰ سطح کے تبادلوں کے مثبت رجحان کو مزید فروغ ملے گا بلکہ مختلف شعبوں میں دوطرفہ تعاون بھی مستحکم ہوگا۔