شہروز کاشف کے ٹو سر کرنیوالے کم عمر ترین کوہ پیما بن گئے

تفصیلات کے مطابق 19 سالہ پاکستانی کوہِ پیما شہروز کاشف نے کے ٹو سر کر کے سب سے کم عمری میں یہ اعزاز اپنے نام  کیا ہے ،  شہروزکاشف کے ٹو سر کرنے والے دنیا کے  کم عمر ترین کوہ پیما بن گئے۔ 19 سالہ شہروز کاشف نے رواں سال مئی میں  بلند ترین چوٹی ماؤنٹ ایورسٹ سر کی تھی۔ وہ ماؤنٹ ایورسٹ سر کرنے والے کم عمر  ترین پاکستانی بنے تھے۔ شہروز کے فیس بُک پیج پر ان کی مہم جوئی کی لائیو اپ ڈیٹس بھی شیئر کی جارہی ہیں۔

لاہور سے تعلق رکھنے والے شہروز کاشف نے  17 برس کی عمر میں پاکستان کی چوتھی بلند ترین چوٹی براڈ پیک سَر کرنے کا اعزازبھی اپنے نام کر رکھا ہے ۔

واضح رہے کہ کے ٹو کی چوٹی 8 ہزار 611 میٹر کی بلندی کے ساتھ دنیا کی دوسری بلند ترین چوٹی ہے جس کو ’سیویج ماؤنٹین‘ کے نام کے ساتھ یاد کیا جاتا ہے۔

یہ قر اقرم کے انتہائی شمالی کنارے پر پاکستان اور چین کے سرحدی مقام پر واقع ہے اور درحقیقت اس مقام پر کوئی واضح سرحدی تعین نہ ہونے کی بنا پر پاکستان اور چین کے درمیان کے ۔ ٹو کو ہی سرحد مانا جاتا تھا۔سکردو سے تقریباً 125 میل دو سو کلومیٹر یا 104 کلومیٹر فضائی سفر کی دوری پر واقع ہے۔ اس کا طول بلد 35.52 اور عرض بلند 76.30 ہے۔