آزاد کشمیر انتخابات : چار پولنگ اسٹیشنز پر 29 جولائی کو دوبارہ الیکشن ہوگا

مقامی میڈیا  کے مطابق  ایل اے 16 شرقی باغ کے 4 پولنگ اسٹیشنز پر 29 جولائی کو دوبارہ پولنگ ہو گی۔25 جولائی کو  ہونیوالے الیکشن کے دن 2 پولنگ اسٹیشنز میں جھگڑے  کے باعث پولنگ نہیں ہو سکی تھی۔جبکہ باغ میں دیگر 2 پولنگ اسٹیشنز پر بیلٹ پیپر جلانے کے بعد پولنگ کاعمل معطل ہوا تھا ۔ چاروں پولنگ اسٹیشنز پررجسٹرڈ ووٹرز کی  مجموعی تعداد  2 ہزار 300  ہے ۔

غیر سرکاری نتائج کے مطابق  تحریک انصاف 45 میں سے 25 نشستوں پر کامیابی حاصل کرکے آزاد جموں وکشمیر کے انتخابات میں واحد بڑی جماعت بن  گئی  ہے۔ پیپلز پارٹی نے 11 اور مسلم لیگ (ن) نے چھ نشستیں حاصل کیں۔جموں وکشمیر پیپلز پارٹی اور آل جموں و کشمیر مسلم کانفرنس دونوں نے بھی ایک ایک نشست حاصل کی۔