ماہی گیروں کے بچوں کی تعلیم کے لیے کشتی سکول کا آغاز

تفصیلات کے مطابق حکومت پنجاب کےدوردراز پسماندہ ترین علاقوں میں ہرغریب کی دہلیزپر علم کی فراہمی کو یقینی بنا رہی ہے۔ وزیراعلی کی  خصوصی ہدایت اور وزیر لٹریسی راجہ راشد حفیظ کی کاوشوں سے  محکمہ خواندگی و غیررسمی بنیادی تعلیم پنجاب کی جانب سے کوٹ ادھو تونسہ بیراج پر صوبے کی تاریخ کے پہلے کشتی سکول کا آغازکیا گیا ہے ۔

اس علاقے میں ماہی گیروں کی بڑی تعداد رہتی ہے جو دریاۓ سندھ میں بہت اندر تک چلے جاتے ہیں اور بہت دن تک مچھلیاں پکڑتے ہیں باقی دنیا سے ان کا رابطہ ختم ہونے کے باعث وہ علم سے محروم رہتے ہیں۔ پاکستان کی تاریخ میں پہلی بار دریاۓ سندھ تونسہ بیراج پر بنایا جانے والا یہ کشتی سکول بزدارحکومت کے تعلیم دوست ہونے کا منہ بولتا ثبوت ہے۔

یہاں مفت کتابیں فراہم کر دی گٸی ہیں اورمفت تعلیم فراہم کرکے اس پسماندہ علاقے میں شرح خواندگی میں اضافہ کرنامقصود ہے۔ اس سے پیشترموجودہ حکومت نے  اس علاقے میں تعلیم بالغاں لٹریسی سنٹربھی قاٸم کیا ہے۔جہاں ان مچھلیاں پکڑنے والے  لوگوں کو لکھنا پڑھنا سکھایاجاریا ہے جو کسی بھی وجہ سے تعلیم سے محروم رہ گٸے  ہیں۔

محکمہ خواندگی اپنے اساتذہ کے ذریعے دریا کے اندر کشتی سکول بنا کر ان ماہی گیر بچوں کو علم کی روشنی سے منور کررہا ہے۔ یہاں ماہی گیروں کی ایک بہت بڑی تعداد ہے جو تعلیم حاصل نہیں کرسکے محکمہ خواندگی وغیررسمی بنیادی تعلیم پنجاب ان جوان ماہی گیروں اور ماہی گیر بچوں کو تعلیم کی سہولت فراہم کررہا ہے۔

اس سے ان مچھلیاں پکڑنے والوں کا روز گار بھی متاثر نہیں ہوگااور وہ کشتی سکول میں ہی دو گھنٹے تعلیم حاصل کریں گے۔ یہ کشتی سکول اپنی نوعیت کا پہلا علمی مرکز ہے جہاں پہلی دفعہ انتہاٸی غریب  ماہی گیر مفت تعلیم حاصل کرسکیں گے۔ سابقہ ادوار میں کبھی کسی نے ماہی گیروں کی فلاح و بہبود یا ترقی و خوشحالی سے متعلق کوٸی کام نہیں کیا۔