پیٹرول پر لیوی میں ایک 60 پیسےفی لیٹرکا اضافہ

وفاقی حکومت نے پیٹرول پر لیوی میں ایک 60 پیسےفی لیٹرکا اضافہ کردیا جس کے بعد پیٹرول پر لیوی 79 روپے 62 پیسے ہو گئی ہے۔

دستاویزکےمطابق پیٹرول پرلیوی میں اضافہ کردیا گیا جبکہ ڈیزل سےپیٹرولیم لیوی کم کردی گئی،ڈیزل پرپیٹرولیم لیوی ایک روپے 60 پیسےفی لیٹرکم کی گئی،ڈیزل پرلیوی کی شرح 77 روپے1پیسےسے75 روپے 41 پیسے مقررکی گئی،پیٹرول پرپیٹرولیم لیوی میں ایک روپے 60 پیسےاضافہ کیا گیا، شرح 78 روپے2 پیسے سے بڑھا کر 79 روپے62 پیسےمقررکی گئی۔

دستاویز کےمطابق پیٹرول اورڈیزل پرکاربن لیوی کی شرح برقرار رکھی گئی،ڈیزل پر فریٹ مارجن 1روپے 82 پیسےفی لیٹرکم کردیاگیا،ڈیزل پر ایکسٹرا مارجن 24 پیسےفی لیٹرکم کیا گیا،پیٹرول پر ایکسٹرا مارجن تین پیسےبڑھایاگیا۔

یاد رہے کہ حکومت نے 16 نومبر سے ڈیزل کی قیمت میں 6 روپے کا اضافہ کیا ہے جس کے بعد ڈیزل کی نئی قیمت 284 روپے 44 پیسے ہو گئی ہے جبکہ حکومت نے آئندہ 15 روز کے لیے پیٹرول کی قیمت برقرار رکھنے کا فیصلہ کیا ہے۔