بنگلہ دیش کا بھارت میں ہونے والے کرکٹ ورلڈ کپ میں شرکت کرنے سے انکار

ڈھاکا: بنگلادیش کرکٹ بورڈ ( بی سی بی ) نے اپنے فیصلے کو برقرار رکھا ہے کہ وہ ٹی ٹوئنٹی ورلڈکپ کھیلنے کیلئے اپنی ٹیم کو بھارت نہیں بھیجیں گے۔

غیر ملکی میڈیا رپورٹس کے مطابق بنگلادیش کرکٹ بورڈ نے ٹی ٹوئنٹی ورلڈکپ کھیلنے کیلئے اپنی ٹیم بھارت نہ بھیجنے کے فیصلے کو تبدیل نہ کرنے کا اعلان کیا ہے۔

اس حوالے سےبنگلہ دیش کے مشیر کھیل آصف نذرل نے کہا ہے کہ آئی سی سی نے ہمارا فیصلہ تسلیم نہیں کیا، ہماری کرکٹ ٹیم بھارت میں ہونےوالے ٹی ٹوئنٹی ورلڈ کپ میں شرکت نہیں کرے گی۔

ان کا مزید کہنا تھا کہ توقع ہے کہ آئی سی سی ہمیں سری لنکا میں کھیلنے کا موقع دے گا،ہمارے تحفظات حقیقی ہیں،حکومت کا فیصلہ ہے بھارت نہیں جائیں گے۔

بنگلادیش کے مشیر کھیل نے کہا ہم کھیلنا چاہتے ہیں ہمیں اب بھی امید ہے کہ آئی سی سی ہماری بات تسلیم کرے گااور ہم دوبارہ آئی سی سی کے پاس جائیں گے۔

میڈیا رپورٹس کے مطابق حکومتی اور بی سی بی کے عہدیداران کچھ دیر تک پریس کانفرنس کریں گے۔