اسلام آباد، پشاور سمیت ملک کے مختلف شہروں میں زلزلے کے جھٹکے،لوگ گھروں سے باہر نکل آئے

ویب ڈیسک: وفاقی دارالحکومت اسلام آباد، پشاور، باجوڑ سمیت ملک کے مختلف شہروں میں زلزلے کے شدید جھٹکے محسوس کیے گئے جس کے سبب لوگ گھبرا کر گھروں اور دفاتر سے باہر نکل آئے۔

تفصیلات کے مطابق زلزلے کے سبب عمارتوں میں ارتعاش محسوس کیا گیا، لوگوں میں خوف پھیل گیا اور لوگوں نے بند جگہوں سے کھلی جگہ آنے میں عافیت محسوس کی۔

زلزلہ پیما مرکز سے موصولہ اطلاعات کے مطابق ریکٹر اسکیل پر زلزلے کی شدت 5.6 ریکارڈ کی گئی  جبکہ زلزلے کا مرکز ہندوکش ریجن افغانستان تھا۔

ریسکیو حکام کا کہنا ہے کہ ابھی تک زلزلے سےکسی بھی جانی و مالی نقصانات کی اطلاعات موصول نہیں ہوئیں۔