ہم کسی صورت جنگ نہیں چاہتے ہیں،لیکن اگر جنگ کرنا پڑی تو پیچھے نہیں ہٹیں گے،کم جونگ ان

پیانگ یانگ: شمالی کوریا کے صدر کم جونگ ان نے خطے میں بدلتی ہوئی صورتحال کے پیش نظر امریکہ اور دیگر دشمن ممالک کو دو ٹوک جواب دیتے ہوئے کہا ہے کہ ہم کسی صورت جنگ نہیں چاہتے ہیں لیکن اگر جنگ کرنا پڑی تو پیچھے نہیں ہٹیں گے۔

کورین خبر رساں ادارے کے مطابق ایران امریکا جنگ پر پہلی بار کھل کر ردِعمل دیتے ہوئے شمالی کوریا کے رہنما نے کہا ہے کہ ان کا ملک جنگ نہیں چاہتا، لیکن اس سے بچنے کا بھی کوئی ارادہ نہیں رکھتا۔

میڈیا رپورٹس کے مطابق کم جونگ اُن نے فوجی اہلکاروں اور حکام کے ایک اجتماع سے خطاب کرتے ہوئے مغربی ممالک، خصوصاً امریکا کو سخت تنبیہ کی اور اپنے ملک کی فوجی طاقت کا حوالہ دیا۔

فوجی اہلکاروں سے خطاب میںانہوں نے امریکا اور اسرائیل کی جانب سے ایران پر کیے گئے حملوں کو شرمناک اور غیرقانونی جارحیت قرار دیتے ہوئے کہا کہ یہ اقدام کسی بھی ملک کی علاقائی خودمختاری اور قومی سلامتی کی کھلی خلاف ورزی ہے۔

کم جونگ اُن کا کہنا تھا کہ ہم جنگ نہیں چاہتے، لیکن ہم اس سے بچنے کا بھی کوئی ارادہ نہیں رکھتے۔ تجزیہ کاروں کے مطابق شمالی کوریا ممکنہ طور پر مشرقِ وسطیٰ کے اس بحران کو اپنے جوہری پروگرام کے جواز کے طور پر پیش کر رہا ہے، کم جونگ اُن نے دعویٰ کیا کہ دنیا گینگسٹر طرز کی منطق پر چل رہی ہے اور صرف وہی ممالک محفوظ رہ سکتے ہیں جن کے پاس بے پناہ طاقت ہو۔

خیال رہے کم جونگ اُن کا شمار دنیا کے ان ممالک میں ہوتا ہے جو کھل کر امریکی جارحیت اور حملوں کی مذمت کرتے ہیں،مجتبی خامنہ ای کی بطور سپریم لیڈر تقرری کے حوالے سے بیان دیتے ہوئےانہوںنے کہا کہ امید ہے نو منتخب ایرانی سپریم لیڈ ر اپنے والد آیت اللہ خامنہ ای کےمشن کو جاری رکھیں گے۔