پاکستان سپر لیگ 11 کے شیڈول کا اعلان کردیا گیا،ٹورنامنٹ کب سے شروع ہو گا؟

لاہور:ایچ بی ایل پاکستان سپر لیگ (پی ایس ایل) 11 کے شیڈول کا اعلان کر دیا گیا۔ تفصیلات کے مطابق  26 مارچ سے 3 مئی تک 44 میچز کھیلے جائیں گے۔

تفصیلات کے مطابق پی ایس ایل 11 میں پہلی بار آٹھ ٹیمیں شرکت کریں گی، دو نئی ٹیمیں بھی شامل ہیں۔حیدرآباد کنگز مین اور راولپنڈی پنڈیز لیگ میں شامل ہونے والی نئی فرنچائززہیں۔ 

جاری کر دہ شیڈول کے مطابق اس دفعہ پی ایس ایل کے میچز چھ شہروں میں کھیلے جائیں گے۔فیصل آباد اور پشاور پہلی بار پی ایس ایل میچز کی میزبانی کریں گے۔ ٹورنامنٹ کا افتتاحی میچ قذافی سٹیڈیم لاہور میں ہوگا، ہر ٹیم لیگ مرحلے میں دس میچز کھیلے گی۔

MARK YOUR CALENDARS. SET YOUR REMINDERS. ⏰

44 games of high-pressure brilliance, with the Final set for May 3 and a reserve day on standby for May 4. So are you all ready? 😍

Read More: https://t.co/9ExqoMrsIZ
​#HBLPSL | #NewEra pic.twitter.com/Dedf8h5XtN

— PakistanSuperLeague (@thePSLt20) March 10, 2026

جاری کر دہ شیڈول کے مطابق پلے آف 28 اپریل سے شروع ہوں گے۔راولپنڈی کرکٹ سٹیڈیم میں 11 میچز کھیلے جائیں گے، ایک کوالیفائر بھی شامل ہے۔ قذافی سٹیڈیم لاہور میں ایچ بی ایل پی ایس ایل 11 کے 15 میچز شیڈول ہیں۔

اسی طرح فیصل آباد میں پہلی بار لیگ کے سات میچز کھیلے جائیں گے ،جبکہ پشاور کا عمران خان کرکٹ سٹیڈیم پہلی بار پی ایس ایل کی میزبانی کرے گا۔

ملتان کرکٹ اسٹیڈیم میں چار میچز کھیلیں جائیں گے جن میں ملتان سلطانز ایکشن میں ہوں گے جبکہ نیشنل بینک اسٹیڈیم کراچی میں ایچ بی ایل پی ایس ایل 11 کے6 میچز شیڈول ہیں۔

ایچ بی ایل پی ایس ایل 11 میں 12 ڈبل ہیڈرز کھیلے جائیں گے۔ ایچ بی ایل پی ایس ایل 11 کیلئے میڈیا ایکریڈیٹیشن کا عمل شروع ہو گیا، آخری تاریخ 13 مارچ ہے۔