دشمن ایرانی عوام کو نشانہ بنارہےہیں،ان کو شکست دینی اور شہد ا کے خون کا بدلہ لینا ہے،مجتبیٰ خامنہ ای

تہران: نومنتخب ایرانی سپریم لیڈر آیت اللہ مجتبیٰ خامنہ ای کا منتخب ہونے کے بعد پہلا پیغام سامنے آگیا۔

ایرانی میڈیا رپورٹس کے مطابق اپنے آڈیو پیغام میں  ایرانی سپریم لیڈر آیت اللہ مجتبیٰ خامنہ ای نے شہداء کے خون کا بدلہ لینے کا اعلان کرتے ہوئے کہا کہ آبنائےہرمزبند رہےگی۔

آڈیو پیغام میں ایرانی سپریم لیڈر کا کہنا تھا کہ میرا عہدہ مجھ سے کئی چیزوں کا تقاضہ کررہا ہے، عوام نے دنیا کو دکھایا کہ ایرانی عظیم قوم ہیں، عوام کی حمایت کے بغیر میری کوئی اہمیت نہیں

ایرانی سپریم لیڈر کا کہنا تھا کہ دشمن ایرانی عوام کو نشانہ بنارہےہیں، ہمیں اپنے دشمن کو شکست دینی ہے۔شہدا کے خون کے بدلے کے حق سے دستبردار نہیں ہوں گے، ایرانی عوام کا اتحادہ ہمیشہ قائم رہےگا، اللہ تعالیٰ قوم کی رہنمائی کرنے میں میرے مدد فرمائے، امریکی اڈے بند نہ ہوئے تو حملے جاری رہیں گے۔

ان کا کہنا تھا کہ عوام یکجہتی سے دشمن کو شکست دیں گے، ہم اپنے شہدا خصوصا مناب اسکول کے شہدا کا بدلہ لیے بغیر نہیں رہیں گے، ہم پڑوسیوں سے دوستانہ روابط پر یقین رکھتے ہیں، ہم صرف فوجی اڈوں کو نشانہ بنا رہے ہیں اور یہ ناگزیر طور پر جاری رکھیں گے۔

ان کا کہنا تھا کہ مشرق وسطیٰ میں امریکی اڈے بند کیےجائیں، امریکی اڈے بند نہ ہوئے توحملے جاری رہیں گے،  ہم پڑوسیوں سے دوستانہ روابط پر یقین رکھتے ہیں، ہم صرف فوجی اڈوں کو نشانہ بنا رہے ہیں اور یہ ناگزیر طور پر جاری رکھیں گے،ہرایرانی سمیت تمام شہدا کا بدلہ لیں گے،انہوں نے کہا کہ آبنائے ہُرمُز دشمن پر دباؤ ڈالنے کے لیے بند رہنی چاہیے۔

اپنے پیغام میں مجتبیٰ  خامنہ ای نے ان لوگوں کے لیے مالی معاوضے کی پیشکش کی جن کو ایرانی حملوں سے نقصان پہنچا، سپریم لیڈر نے مزید کہاکہ اسرائیلی و امریکی حملوں میں زخمیوں کا مفت علاج کیا جائے گا۔

مجتبیٰ خامنہ ای نے کہا، موجودہ صورتحال سے اس طرح نمٹا جانا چاہئے کہ جن کا نقصان ہوا ہے ان کو  کچھ مالی معاوضے کی پیشکش کی جائے۔ 

ایران کے سپریم لیڈر نے ایرانی حملوں میں نقصان اٹھانے والوں کے لئے مالی مدد کی پیشکش کی بات ایرانی حکومت سے کہی جب کہ ایران کے صدر نے یہی مطالبہ امریکہ سے جنگ بند کرنے کے لئے کئے گئے مطالبات میں بھی رکھا ہے۔