9 مئی مقدمات میں نامزد پی ٹی آئی ایم پی اے کلیم اللہ خان لاہور سے گرفتار

لاہور:9 مئی 2023 کو ہونے پر تشدد فسادات میں ملوث پاکستان تحریک انصاف( پی ٹی آئی) کے رکن پنجاب اسمبلی کلیم اللہ خان کولاہور سےگرفتار کر لیا گیاہے۔

تفصیلات کے مطابق پنجاب پولیس کا کہنا ہے کہ پی ٹی آئی ایم پی اے کلیم اللہ خان 9 مئی کے مقدمے میں مرکزی ملزم ہیں اور انہیں انسداد دہشت گردی عدالت کی جانب سے اشتہاری قرار دیا جا چکا تھا۔

پولیس کا کہنا ہے کہ اسپیشل ٹیم نے ایم پی اے کی گرفتاری کے لیے لاہور میں کارروائی کی جس دوران کلیم اللہ خان کو گرفتار کر لیا گیا، کلیم اللہ خان کو گرفتار کرنے کے بعد لاہور سے گوجرانوالا منتقل کر دیا گیا ہے۔

حکام کے مطابق گرفتاری سے قبل پنجاب اسمبلی کے اسپیکر سے باقاعدہ اجازت بھی حاصل کی گئی تھی۔