سونے کی قیمتوں میں مسلسل دوسرے روز ہزاروں روپے کی کمی،نئی قیمت کیا ہو گئی؟

کراچی : عالمی اور مقامی مارکیٹ میں سونے اور چاندی کی قیمتوں میں آج دوسرے روز بھی ہزاروں روپے کی بڑی کمی ریکارڈ کی گئی ہے۔
عالمی مارکیٹ میں سونا 71 ڈالر سستاہوکر 5105 ڈالر فی اونس تک گرگیا۔

آل پاکستان جیمز اینڈ جیولرز ایسوسی ایشن کے مطابق آج کاروباری ہفتے کے آخری روزمقامی صرافہ مارکیٹ میں ایک تولہ سونا 7100 روپے سستاہوگیا جس کے بعدقیمت 5 لاکھ 33 ہزار 262 روپے ہوگئی۔

ایسوسی ایشن کےمطابق اسی طرح دس گرام سونا 6087 روپے سستاہواہے جس کے بعدقیمت 4 لاکھ 57ہزار 186روپے ہوگئی جبکہ ایک تولہ چاندی 324 روپے کی کمی کے ساتھ 8851 روپے ہوگئی ہے۔

واضح رہے کہ گزشتہ روز بھی مقامی اوربین الاقوامی مارکیٹ میں سوناسستاہواتھا، بین الاقوامی بلین مارکیٹ میں فی اونس سونے کی قیمت 29ڈالر کی کمی سے 5ہزار 176ڈالر کی سطح پر آگئی تھی جبکہ مقامی مارکیٹ میں فی تولہ سونے کی قیمت 2ہزار 900روپے کی کمی کے ساتھ 5لاکھ 40ہزار 362روپے کی سطح پر آگئی تھی۔