ڈی جی فوڈ اتھارٹی خیبرپختونخوا فائرنگ سے زخمی

پشاور: پشاور کے علاقے چمکنی میں ڈی جی فوڈ اتھارٹی خیبرپختونخوا کاشف حسین جیلانی پر فائرنگ کا واقعہ پیش آیا، جس میں وہ زخمی ہو گئے۔

پولیس کے مطابق فائرنگ کے دوران کاشف حسین جیلانی کو پاؤں پر ایک گولی لگی ۔

ترجمان فوڈ اتھارٹی کے مطابق کاشف حسین جیلانی کو ابتدائی طبی امداد فراہم کر نے کے بعد ہسپتال سے ڈسچارج کر دیا گیا ہے۔واقعے کی تحقیقات جاری ہیں اور سکیورٹی فورسز نے علاقے میں اضافی حفاظتی اقدامات کر دیے ہیں تاکہ آئندہ کسی بھی خطرے سے بچا جا سکے۔