پاکستان کے تین ٹیلی کام آپریٹرزو فائیو جی اسپیکٹرم لائسنس لینے میں کامیاب

پاکستان کے تین ٹیلی کام آپریٹرز کو فائیو جی اسپیکٹرم لائسنس جاری کردیے گئے۔

وزیر اعظم شہباز شریف نے تقریب سے خطاب میں فائیو جی اسپیکٹرم کی نیلامی کو سراہتے ہوئے کہا کہ آج کے جدید انقلابی دورمیں فائیوجی اسپیکٹرم سے متعلق شانداراقدام کیا گیا۔

وزیر اعظم کا کہنا تھا کہ جدید ٹیکنالوجی کا فروغ صنعت، زراعت اور آئی ٹی سیکٹر میں سنگ میل کی حیثیت رکھتا ہے، پاکستان کے ہر کونے،گاؤں اور دیہاتوں میں ٹیکنالوجی لے کر جائیں گے۔

شہباز شریف نے مزید کہا کہ فائیوجی اسپیکٹرم کے لائسنس کی نیلامی انتہائی شفاف طریقے سے کی گئی۔

انہوں نے کہا کہ  فائیو جی کے حوالے سے درپیش قانونی چیلنجز کو خوش اسلوبی سے حل کرنے پر پوری ٹیم کو مبارکباد پیش کرتا ہوں، ماضی میں قانونی طور پر بڑی رکاوٹیں تھیں، اعظم نذیرتارڑ نے لیگل چیلنجز سے متعلق بہترین تعاون کیا۔