سونے کی قیمت میں تاریخ کی سب سے بڑی کمی،کئی ہزار روپے سستا ہو گیا

کراچی:کاروباری ہفتے کے پہلے روزعالمی اور مقامی مارکیٹوںمیں سونے کی قیمتوں میں بڑی کمی ریکارڈ کی گئی ہے، جس کے بعد فی تولہ سونا 5 لاکھ روپے کی سطح سے نیچے آگیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز ملک میں فی تولہ سونے کی قیمت 43 ہزار 600 روپے کم ہو کر 4 لاکھ 47 ہزار 762 روپے ہو گئی۔

ایسوسی ایشن کے مطابق اسی طرح ملک میں 10 گرام سونے کی قیمت 37 ہزار 380 روپے کی کمی کے بعد 3 لاکھ 38 ہزار 883 روپے ہو گئی۔

دوسری جانب عالمی بلین مارکیٹ  میں سونے کا بھاؤ 436 ڈالرز کم ہو کر 4250 ڈالرز فی اونس ہو گیا۔

خیال رہے کہ یہ سونے کے قیمت میں کسی ایک دن کی سب سے بڑی کمی ہے، فی تولہ سونے کا بھاؤ اپنی بلند ترین سطح سے سوا لاکھ روپے گر چکا ہے،جبکہ ایک ماہ کے دوران ملک سونا 1 لاکھ 16 ہزار 100 روپے فی تولہ سستا ہوا ہے۔