عالمی و مقامی مارکیٹوں میں سونے اور چاندی کی قیمتوں میں نمایاں اضافہ، فی تولہ قیمت کیا ہو گئی؟

کراچی: کاروباری ہفتے کے پہلے روز عالمی و مقامی گولڈ مارکیٹس میں سونے اور چاندی کی قیمتوں میں نمایاں اضافہ ریکارڈ کیا گیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز مقامی مارکیٹوں میں  فی تولہ سونے کی قیمت میں  3900 روپے کا اضافہ ہوا ہے جس کے بعد سونے نئی قیمت بڑھ کر 475962 روپے ہو گئی ہے۔

ایسوسی ایشن کے مطابق اسی بطرح  دس گرام سونے کے بھاؤ 3343 روپے کے اضافے سے 408060 روپے ہوگئے۔

علاوہ ازاں پاکستان میں فی تولہ چاندی کی قیمت 70 روپے بڑھکر 7524 روپے ہوگئی، عالمی منڈی میں فی اونس سونے کے ریٹ 39 ڈالر بڑھکر 4532 ڈالر ہوگئے۔

دوسری جانب عالمی بلین مارکیٹ میں بھی سونے کی قیمت میں اضافہ ہوا، جہاں فی اونس سونا 39 ڈالر بڑھ کر 4,532 ڈالر تک جا پہنچا، جس کا اثر مقامی مارکیٹ پر بھی پڑا۔
خیال رہے کہ ہفتہ کے روز بھی سونے کی قیمت میں 4,800 روپے کا اضافہ ہوا تھا، جس کے بعد قیمت 4,72,062 روپے فی تولہ تک پہنچ گئی تھی۔

ماہرین کا کہنا ہے کہ عالمی مارکیٹ میں سونے اور چاندی کی قیمتوں میں اضافے کی وجہ عالمی سطح پر تیل اور توانائی کی بڑھتی ہوئی قیمتیں، اقتصادی غیر یقینی صورتحال اور سرمایہ کاروں کی محفوظ سرمایہ کاری کی تلاش ہے۔