وزیر اعظم سے ایرانی وفد کی ملاقات،عالمی و علاقائی امن کی صورتحال اور مذاکرات کے حوالے سے تبادلہ خیال 

اسلام آباد:وزیراعظم شہباز شریف سے اسلام آباد مذاکرات کے موقع پر ایرانی وفد نے ملاقات کی ،جس میں علاقائی وعالمی امن اور امریکا ایران مذاکرات کے حوالے سے تبادلہ خیال کیا گیا۔ 

 وزیراعظم آفس کی جاننب سے جاری کر دہ اعلامیے کے مطابق ایرانی وفد کی قیادت پارلیمنٹ کے سپیکر محمد باقر قالیباف نے کی جبکہ وفد میں وزیر خارجہ عباس عراقچی بھی موجود تھے۔

 اعلامیے کے مطابق ملاقات میں نائب  وزیراعظم اسحاق ڈار، فیلڈ مارشل سید عاصم منیر اور وزیر داخلہ محسن نقوی بھی موجود تھے۔

دوران ملاقات وزیراعظم نے علاقائی،عالمی امن واستحکام کے مفاد میں بامقصد نتائج کے لیے پیش رفت تیز کرنےکے عزم کا اظہار کیا۔

ایرانی وفد سےملاقات میں وزیراعظم کا کہنا تھا کہ پاکستان  خلوص نیت کے ساتھ خطے میں امن و استحکام کے لیےثالث کے طور پر اپنا مخلصانہ کردار ادا کرتا رہےگا۔ان کا کہنا تھا کہ بامعنی نتائج حاصل کرنے کے لیے پاکستان اپنا کردار ادا کرتا رہےگا۔