سی ٹی ڈی کی کراچی میں کامیاب کارروائی،کالعدم تنظیم کے متعدد کارندے گرفتار

کراچی: محکمہ انسداد دہشتگردی ( سی ٹی ڈی) نے شہر قائد میں کارروائی کرتے ہوئے کالعدم تنظیم سے تعلق رکھنے والے متعدد کارندوں کو گرفتارکر لیاگیا۔

سی ٹی ڈی حکام کے مطابق یہ کارروائی خفیہ اطلاعات پر کی گئی۔ انٹیلیجنس بیسڈ آپریشنز کے دوران نیٹ ورک کے اہم سہولت کاروں کو حراست میں لیا گیا،گرفتار ملزمان کے قبضے سے اسلحہ اور حساس مواد برآمد ہونے کی تصدیق ہو گئی۔

سی ٹی ڈی حکام نے مزید بتایا کہ ملزمان کے خلاف دہشتگردی کے مقدمات درج کرکے  مزید تفتیش جاری ہے۔ حکام کے مطابق نیٹ ورک مختلف علاقوں میں سرگرم تھا اور روابط کے شواہد ملے۔

سی ٹی ڈی کا کہنا ہے کہ کارروائیاں جاری رہیں گی، مزید گرفتاریوں کا امکان ہے۔