پیپلز پارٹی نے قومی سلامتی کمیٹی کا اجلاس بلانے کا مطالبہ کردیا

تفصیلات کے مطابق پاکستان پیپلز پارٹی کے رہنما نیئر بخاری کا کہناتھاکہ افغانستان کی صورتحال پر حکومت کی خاموشی افسوسناک اور قابل تشویش ہے،حکومت کی اس طرح خاموشی کے خطرناک نتائج نکل سکتے ہیں۔ حکومت افغانستان کی صورتحال کی پیش نظر اپنی حکمت عملی واضح کرے۔

قومی سلامتی کمیٹی کا ایک اہم اجلاس ہوا تھا۔ قومی سلامتی کمیٹی کا ایک اور اجلاس عید سے قبل ہونا تھا جو تاحال نہیں ہو سکا۔ قومی سلامتی کمیٹی کا اجلاس بلاکر حکمت عملی واضح کی جائے۔

نیئر بخاری کا مزید کہنا تھا کہ ویڈیوز میں خیبرپختونخوا اور کوئٹہ میں طالبان کو خوش آمدید کہنے کے لیے ریلیاں ‏نکالی گئیں ۔ حکومت نے کوئی نوٹس لیا نہ ہی کسی کے خلاف کارروائی ہوئی۔ حکومت سنجیدگی کا مظاہرہ کرے، صورتحال کو اس طرح نظرانداز کرنا مناسب نہیں ‏ہوگا۔