پی ایس ایل ایلیمینیٹر:اسلام آباد یونائیٹڈ کا حیدرآباد کیخلاف ٹاس جیت کر فیلڈنگ کا فیصلہ

لاہور: پاکستان سپر لیگ( پی ایس ایل) سیزن 11 کے دوسرے ایلیمینیٹر میں  اسلام آباد یونائیٹڈ نے حیدرآباد کنگزمین کے خلاف ٹاس جیت کر فیلڈنگ کا فیصلہ کیا ہے۔

تفصیلات کے مطابق قذافی اسٹیڈیم میں کھیلے جارہے میچ میں  اسلام آباد یونائیٹڈ نے ٹاس جیت کر حیدرآباد کنگزمین کو پہلے بیٹنگ کی دعوت دے دی۔

اسلام آباد یونائیٹڈ کی قیادت شاداب خان کر رہے،دیگر کھلاڑیوں میں سلمان مرزا،ڈان کانوے،فہیم اشرف،ماک چیپمین،کرس گرین،محسن ریاض،سمیر منہاس,حیدر علی،عماد وسیم اور رچرڈ گلیسن شامل ہیں۔۔

حیدرآباد کنگز مین کی  قیادت مارنس لبوشن کر رہے ہیں،دیگر کھلاڑیوں میں معاذ صداقت،صائم ایوب،عثمان خان،کوشال پریرا،گلین میکسویل،عرفان نیازی،حسن خان،حنین شاہ،محمد علی اور عاکف جاوید شامل ہیں۔

واضح رہے کہ آج کی فاتح ٹیم اتوار کو فائنل میں پشاور زلمی سے مقابلہ کرے گی اور ہارنے والی ٹیم کا سفر ایونٹ میں ختم ہوجائے گا،جبکہ پی ایس ایل 11 کا فائنل اتوار کو لاہور میں کھیلا جائے گا۔