آئی ایس پی آر کے زیر اہتمام خصوصی نیشنل سکیورٹی اینڈسٹریٹجک لیڈرشپ 2026 ورکشاپ کاانعقاد

اسلام آباد:پاک فوج کے شعبہ تعلقات عامہ(آئی ایس پی آر)کےزیراہتمام خصوصی نیشنل سکیورٹی اینڈسٹریٹجک لیڈرشپ 2026 ورکشاپ کاانعقاد کیا گیا۔ورکشاپ میں ملک بھرکی200 سےزائدجامعات کےوائس چانسلرز،رجسٹرارز،ڈین اورسینئرپروفیسرز نے شرکت کی۔

اس موقع پرلیفٹیننٹ جنرل ریٹائرڈ عامر ریاض ہلالِ امتیاز(ملٹری) نے ورکشاپ کےشرکاء کیساتھ خصوصی نشست کی جس میں ہندوتوا سےمتاثرہ بھارتی سیاست،اس کے تذویراتی رجحانات کا فکری اور نظریاتی تجزیہ کیا گیا۔

ورکشاپ سے خطاب کرتے ہوئےلیفٹیننٹ جنرل( ر)عامرریاض نے کہا کہ بھارت میں اقلیتوں کیساتھ مظالم اوراس کا استحصال معمول بنتا جارہا ہے۔آر ایس ایس اور بی جے پی کی جانب سے بیانیہ بنانے کیلئےعام عوام کا قتل وغارت کوئی بڑی بات نہیں ۔

ورکشاپ سے خطاب میں انہوں نے کہا کہ بھارت دنیا کوسیکولر چہرہ دکھاتا ہے جبکہ اندرونِ خانہ اقلیتوں خصوصاً مسلم کیساتھ ظلم و بربریت کا سلوک روا رکھا جاتا ہے۔بھارت میں اقلیتوں کیخلاف زیادتیوں کو حکومت اورعدلیہ کی مکمل سرپرستی اوراجازت حاصل ہوتی ہے۔

نیشنل سیکیورٹی ورکشاپ کےشرکاء نے مسلمانوں کیخلاف بھارتی حکومت کے ناپاک عزائم کو عالمی برادری کیلئے ناقابل قبول قرار دیا۔