پاکستانی حکام اب تک اس تجویز کی سخت مخالفت کر رہے ہیں اور ان کا مؤقف ہے کہ اس سے مہنگائی میں اضافہ ہوگا، جی ایس ٹی میں اضافے سے سولر پینلز، الیکٹرک کاریں مہنگی ہونے کا امکان ہے
ویب ڈیسک:عالمی مالیاتی فنڈ (آئی ایم ایف) نے حکومت پاکستان کو تجویز دی ہے کہ مالی سال 2026-27 کے بجٹ میں جنرل سیلز ٹیکس کی معیاری شرح 18 فیصد سے بڑھا کر 19 فیصد کی جائے۔
پاکستانی حکام اب تک اس تجویز کی سخت مخالفت کر رہے ہیں اور ان کا مؤقف ہے کہ اس سے مہنگائی میں مزید اضافہ ہوگا، جی ایس ٹی میں اضافے سے سولر پینلز، الیکٹرک کاریں مہنگی ہونے کا امکان ہے۔
ذرائع کے مطابق آئندہ مالی سال کے 15 ہزار ارب روپے سے زائد کے ٹیکس ریونیو ہدف کے حصول اور رواں مالی سال کے ٹیکس شارٹ فال کو پورا کرنے کیلئے آئی ایم ایف نے جی ایس ٹی کی موجودہ شرح کو 18 فیصد سے بڑھا کر 19 فیصد کرنے کی تجویز دی ہے اس پر عملدرآمد کی صورت میں ملک میں مہنگائی میں مزید اضافہ ہو گا۔
ابتدائی اندازوں کے مطابق اگر آئی ایم ایف بجٹ سازوں کو قائل کرنے میں کامیاب ہو جاتا ہے تو صرف ایک فیصد اضافے سے 250 سے 300 ارب روپے اضافی محصولات حاصل ہو سکتے ہیں۔ آئی ایم ایف نے یہ تجویز رواں مالی سال میں نظرِثانی شدہ محصولات کے ہدف کے حصول میں ناکامی اور محصولات کی کمی کو دیکھتے ہوئے پیش کی ہے۔
ایف بی آر کی وصولیاں 13 کھرب روپے کے قریب پہنچ سکتی ہیں، تاہم فی الحال اس ہدف کا حصول مشکل دکھائی دیتا ہے، ایف بی آر نے پہلے گیارہ ماہ میں 11,232 ارب روپے جمع کیے ہیں اور 30 جون 2026 تک 13,979 ارب روپے کے ہدف کے حصول کیلئے جون میں 2,747 ارب روپے جمع کرنا ہوں گے۔
اگر ایف بی آر صرف 13 کھرب روپے کی حد تک پہنچنا چاہتا ہے تو اسے جون 2026 میں 1,668 ارب روپے اکٹھے کرنا ہوں گے، جون 2025 میں ایف بی آر نے 1,500 ارب روپے سے زائد وصول کیے تھے۔اسی کمزور کارکردگی کو مدنظر رکھتے ہوئے آئی ایم ایف نے آئندہ مالی سال 2026-27 میں مسلسل محصولات کی کمی کی صورت میں جی ایس ٹی کی شرح 18 فیصد سے بڑھا کر 19 فیصد کرنے کی تجویز دی ہے۔
سرکاری ذرائع کے مطابق ایک فیصد اضافے سے 250 سے 300 ارب روپے تک اضافی آمدن حاصل ہو سکتی ہے، آئی ایم ایف نے آئندہ مالی سال کے دوران اوسط مہنگائی (CPI Inflation) تقریباً 8.4 فیصد رہنے کا تخمینہ لگایا ہے۔
ذرائع کے مطابق آئی ایم ایف کا مشن ٹیکس نیٹ کو وسیع کرنے کیلئے کوئی نئی اور مؤثر تجاویز پیش کرنے میں ناکام رہا اور موجودہ تمام آپشنز استعمال کرنے کے بعد اس نے جی ایس ٹی کی شرح بڑھانے کی تجویز پیش کی، جس کی پاکستانی حکام مزاحمت کر رہے ہیں۔
پاکستان کرکٹ ٹیم نے تاریخ رقم کر دی، ہزار ون ڈے میچز کھیلنے والی تیسری ٹیم بن گئی
- 20 گھنٹے قبل
ٹرمپ انتظامیہ کا امیگرینٹس کیخلاف کریک ڈاؤن،ملازمتوں، ہیلتھ کئیر سے دورکرنےکے منصوبے پر عمل شروع
- ایک گھنٹہ قبل
آئندہ مالی سال وفاقی بجٹ کا حجم ساڑھے 17 ہزار ارب روپے کے لگ بھگ رہے گا،ذرائع
- 16 منٹ قبل
معاہدے کے بہت قریب ہیں،ایران نے یقین دہانی کرائی ہے کہ وہ ایٹمی ہتھیار نہیں بنائے گا اور نہ خریدے گا،ٹرمپ
- ایک گھنٹہ قبل
وائٹ ہاؤس نے ٹرمپ کی میڈیکل رپورٹ جاری کردی،صدارتی ذمہ داریاں نبھانے کیلئے فِٹ قرار
- 41 منٹ قبل
تربت: کالعدم بی ایل اے کی کمانڈر شہناز بلوچ سے اہلخانہ کا مکمل لاتعلقی کا اعلان
- 20 گھنٹے قبل
ایرانی میڈیا نے امریکا کیساتھ غیررسمی معاہدے کا مسودہ جاری کردیا، آبنائے ہرمز اور منجمد اثاثے شامل
- ایک گھنٹہ قبل
ایران کے ساتھ جو بھی معاہدہ طے پائے گا وہ ایک اچھا اور مؤثر معاہدہ ہو گا،پیٹ ہیگستھ
- ایک دن قبل
پٹرول اور ڈیزل کے بعدجیٹ فیول بھی سستا، قیمتوں میں 48 روپے 80 پیسے فی لیٹرکمی
- 20 گھنٹے قبل
اسرائیل ،فلسطین کوآزاد ریاست تسلیم کرلے تو مسلم ممالک کے مجوزہ اتحاد میں شامل ہوسکتا ہے،ہاقان فیدان
- 19 گھنٹے قبل
سہیل آفریدی کا چیف جسٹس سپریم اپیلیٹ کورٹ گلگت بلتستان کو خط ،انتخابی عمل پر تشویش کا اظہار
- 19 گھنٹے قبل
ہانیہ عامر نے ایک اور سنگِ میل اپنے نام کر لیا، فوربس ایشیا کی ’30 انڈر 30‘ فہرست میں نام شامل
- 20 منٹ قبل
.jpg&w=3840&q=75)
