ڈرگ ڈیلر انمول عرف پنکی کے 2 ساتھی جسمانی ریمانڈ پر پولیس کے حوالے

کراچی سے گرفتار ڈرگ ڈیلر ملزمہ پنکی کے دو گرفتار ساتھیوں کو دو روزہ جسمانی ریمانڈ پر پولیس کے حوالے کر دیا گیا۔

تفصیلات کے طابق جوڈیشل مجسٹریٹ جنوبی کی عدالت میں تفتیشی افسر نے بتایا کہ اس مقدمے میں ملزمہ کی گرفتاری ظاہر نہیں کی گئی۔دوران سماعت تفتیشی افسر نے گرفتار ملزموں کا سی آر او اور تفتیش کے لئے دس روزہ جسمانی ریمانڈ دینے کی استدعا کی تھی۔

عدالت نے منشیات کی ملزمہ کے دو گرفتار ساتھیوں کو دو روزہ جسمانی ریمانڈ پر پولیس کے حوالے کر دیا۔ آئندہ سماعت پر تفتیشی افسر سے پیش رفت رپورٹ طلب کر لی۔

اس حوالےسے پولیس حکام کا کہنا ہے کہ گرفتار ملزمان کی شناخت عاقب الرحمان اور غلام مصطفیٰ کے نام سے ہوئی ہے، ملزمان نے ابتدائی تفتیش کے دوران نیٹ ورک کے طریقہ کار کے حوالے سے انتہائی اہم انکشافات کیے۔

ملزمان نے اعتراف کیا ہے کہ وہ براہِ راست ‘انمول عرف پنکی’ کے لیے کام کر رہے تھے۔ پنکی کے منیجر کی گرفتاری کیلئے چھاپے مارے جا رہے ہیں۔