نذیر چوہان کا جہانگیر ترین گروپ چھوڑنے کا اعلان

پی ٹی آئی رہنما  نذیر چوہان  نے میڈیا سے گفتگو  کرتے ہوئے کہا کہ   اعلی قیادت کا مشکور ہوں جس نے اس معاملے کا فوری نوٹس لیا ، چوہدری پرویز الہی کا مشکور ہوں کہ انہوں نے میرے لئے ایک مضبوط سٹینڈ لیا۔

مزید پڑھیں : سندھ کے علاوہ تمام صوبوں میں امتحانات شیڈول کے مطابق ہونگے، شفقت محمود

مزید پڑھیں : سندھ کابینہ میں تبدیلیوں کا امکان

نذید چوہان نے کہا کہ شہزاد اکبر نے میرے بیمار ہونے پر سب سے پہلے کال کی اور میرا حال  پوچھا، شہزاد اکبر سے میں نے واضع طور پر معافی مانگی شہزاد اکبر اور ان کی فیملی سے شرمندہ ہوں، میں شہزاد اکبر کی دل آزاری کی وجہ سے معذرت خواہ ہوں۔

نذیر  چوہان نے میڈیا سے گفتگوکرتے ہو ئے کہا کہ  میرا ایک ہی لیڈر ہے اس کا نام عمران خان ہے اور رہے گا، میرا جہانگیر خان ترین گروپ کے ساتھ کوئی تعلق نہیں ہے اور  جہانگیر ترین نے اپنے کیس کے لئے مجھے استعمال کیا۔جہانگیر ترین کو شرم آنی چاہئیے کہ انہوں نے اسپتال آ کر میرا حال چال نہیں پوچھا، جہانگیر ترین جیسا بندہ کسی کے ساتھ نہیں دے سکتا، اس سارے معاملے پر بہت سے منافق لوگوں کے چہرے سامنے آ گئے ہیں۔