سندھ کابینہ میں تبدیلیوں کا امکان

تفصیلات کے مطابق  سندھ کابینہ میں تبدیلیوں کا امکان ہے۔ آئندہ کچھ روز میں سندھ کابینہ میں اہم تبدیلیاں ہونگی۔  بعض وزرا کے محکمے تبدیل کیے جائیں گے جبکہ بعض نئے وزرا  کو قلمدان سونپے جائیں گے۔ ورکس اینڈ سروس، ایریگیشن ،تعلیم، سمیت دیگر محکمے تبدیل کئے جائیں گے۔

مزید پڑھیں : نذیر چوہان کا جہانگیر ترین گروپ چھوڑنے کا اعلان

 ذرائع کے مطابق ناصر حسین شاہ، سعید غنی اور سہیل انور سیال کے محکمے تبدیل یا محکمے واپس لیے جانے کا امکان ہے۔ کراچی کے اضلاع میں صوبائی حکومت کے کوآرڈینیٹر رکھے جائیں گے۔ کابینہ میں پانچ نئے وزراء اور مشیران شامل ہوسکتے ہیں۔

ذرائع کے مطابق  وزیر اعلی ہاؤس میں ایم پی ایز اور دیگر کے انٹرویو شروع  کردیے گئے ہیں ۔بلاول بھٹو سمیت پی پی قیادت نے تبدیلیوں کی منظوری دے دی ہے۔بیرسٹر مرتضی وہاب بطور ایڈمنسٹریٹر تقرری کا نوٹیفکیشن آئندہ کچھ روز میں جاری ہونے امکان ہے۔

ذرائع کا کہنا ہے کہ ایک وزیر سے تیسرے محکمے میں بھی ناکامی پر محکمہ واپسی لیا جائے گا جبکہ  دو وزراء اور ایک مشیر فارغ کئے جانے کا امکان ہے۔ایم پی ایز کو اسپیشل اسٹنٹ بنا کر محکمے دیئے جائیں گے۔جام خان شورو ، ساجد جوکھیو اور ضیاء عباس شاہ منظور وسان اور لیاقت آسکانی کابینہ میں شامل ہونے کا امکان ہے۔

سہیل انور سیال سے محکمہ آبپاشی واپسی لیا جائے گا،سردار شاہ کو دوبارہ اہم ذمہ داری ملنے کا امکان ہے۔صوبائی وزیر ہری رام اور اسماعیل راہو ناصر حسین سمیت دیگر کے محکمے تبدیل کئے جائیں گے جبکہ سعید غنی سے محکمہ تعلیم بھی واپس لیا جائے گا۔