ملک میں سونے کی قیمت میں مسلسل بڑی کمی

کراچی: ملک بھر کی صرافہ مارکیٹوں میں سونے کی قیمت میں کاروباری ہفتے کے تیسرے روز بھی نمایاں کمی ریکارڈ کی گئی، جس کے بعد فی تولہ سونا 4 لاکھ 53 ہزار 936 روپے کا ہوگیا۔

آل پاکستان جیمز اینڈ جیولرز صرافہ ایسوسی ایشن کے جاری کردہ اعداد و شمار کے مطابق بدھ کو فی تولہ سونے کی قیمت میں 1,800 روپے کمی ہوئی، جس کے بعد نئی قیمت 4 لاکھ 53 ہزار 936 روپے مقرر ہوگئی۔

اسی طرح 10 گرام سونے کی قیمت بھی 1,544 روپے کم ہوکر 3 لاکھ 89 ہزار 176 روپے ہوگئی۔

دوسری جانب عالمی مارکیٹ میں سونے کی قیمت 18 ڈالر کمی کے بعد 4,314 ڈالر فی اونس ہوگئی، جس کے اثرات مقامی صرافہ مارکیٹوں پر بھی پڑے۔

واضح رہے کہ منگل کو بھی فی تولہ سونے کی قیمت میں 1,800 روپے کمی ریکارڈ کی گئی تھی، جس کے بعد سونا 4 لاکھ 55 ہزار 736 روپے فی تولہ ہوگیا تھا۔