Advertisement

سابق خطیب داتا دربار پر مالی بدعنوانی کے الزامات ثابت، لاکھوں روپے کی ریکوری کا حکم

مفتی رمضان سیالوی پر 5 سال تک لاہور اور مضافاتی علاقوں میں تعیناتی پرپابندی عائد کردی گئی ہے

GNN Web Desk
شائع شدہ ایک ماہ قبل پر اکتوبر 7 2026، 4:48 شام
ویب ڈیسک کے ذریعے
سابق خطیب داتا دربار پر مالی بدعنوانی کے الزامات ثابت، لاکھوں روپے کی ریکوری کا حکم

لاہور: سابق خطیب داتا دربار مفتی محمد رمضان سیالوی پر مالی بدعنوانی، خرد برد اور جعلسازی کے الزامات ثابت ہوگئے۔

ترجمان محکمہ اوقاف پنجاب کے مطابق سابق خطیب داتا دربار کےخلاف انکوائری مکمل کرلی گئی ہے، مفتی رمضان سیالوی پر 5 سال تک لاہور اور مضافاتی علاقوں میں تعیناتی پرپابندی عائد کردی گئی ہے۔

محکمہ اوقاف پنجاب کے ترجمان کا بتانا ہے کہ مفتی رمضان سیالوی کے خلاف پیڈا ایکٹ کے تحت انکوائری کی گئی، ان سے 26 لاکھ 58 ہزاروپے سے زائد کی ریکوری کا حکم بھی دیا گیا ہے۔

ترجمان محکمہ اوقاف پنجاب کے مطابق مفتی رمضان سیالوی کی 5 سال کے لیے بی ایس 19 سے بی ایس 18 میں تنزلی کر دی گئی ہے، اور مفتی رمضان کو زونل خطیب اوقاف ڈیرہ غازی خان تعینات کرنے کا حکم بھی دیا گیا ہے، مستقبل میں ان کی کسی بڑی درگاہ یا مسجد میں تعیناتی پر بھی پابندی عائد کردی گئی ہے۔

Advertisement
رجحانات
Advertisement