پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر

ویب ڈیسک: پاکستان اور تاجکستان کی افواج کے درمیان انسداد دہشتگردی کی تیسری مشترکہ مشق دوستی تھری چراٹ کے سپیشل آپریشنز سکول میں ختم ہو گئی۔

مشق کا مقصد انسداد دہشت گردی کے تجربات کا تبادلہ، آپریشنل مشقوں اور طریقہ کار کو بہتر بنانا اور باہمی طورپر سیکھنے اور بہترین تجربات کے تبادلے کے ذریعے جنگی مہارت میں اضافہ کرنا تھا۔

یہ مشق پاکستان اور تاجکستان کے درمیان دیرینہ فوجی تعاون کی عکاس ہے اور اس کے ذریعے دونوں ملکوں کے دوطرفہ دفاعی تعلقات مزید مستحکم کرنے کے عزم کا اعادہ کیا گیا۔